Home » Archive

Activities

Activities »

[ 25 May 2015 | No Comment ]

 

From the resolution:  “The obvious neglect of the agencies mandated to protect the interest of Filipinos abroad, especially the millions of those forced on exodus by the lack of employment here, have gone on and led to the death of Flor Contemplacion and more, went on for five years and brought Mary Jane Veloso to the brink of execution, and is surely going on to the damage of other overseas Filipino workers currently on trial, in prison, and on death row.”

Activities, Features, Headline, In The News »

[ 18 May 2015 | No Comment ]

BRIGADA ESKWELA 2015- Nakiisa si ACT TEACHERS Party-list Rep. Antonio Tinio sa taunang paglulunsad ng Brigada Eskwela sa Mataas na Paaralang Ponciano Bernardo sa Quezon City. Sa kanyang talumpati sa pagbubukas ng programa, binigyang-diin ni Rep. Tinio ang bolunterismong ipinapakita sa pangunguna ng mga guro, mga magulang at kabataang mag-aaral sa maayos at malinis na paaralan at pagpapahalaga sa edukasyon. Dagdag pa niya, “Hindi lang dapat tayo magpakulong sa sama-samang paglilinis sa paaralan sa halip ipakita natin ang sama-samang pagkilos sa brigada ng paggigiit ng mas mataas at makabuluhang sahod at benepisyo sa mga guro at mga kawani at sa pagsusulong ng tunay na de-kalidad at makabayang edukasyon.” (ika-18 ng Mayo, 2015)

1 2 3 4 5 6 7

Activities »

[ 13 May 2015 | No Comment ]

Noong Hunyo 28, 2013, inilabas ng CHED ang Memorandum Order No. 20, Series of 2013 na nagtatakda ng bagong General Education Curriculum na dapat gamitin sa lahat ng mga pampubliko at pribadong kolehiyo at unibersidad.  Tinanggal ng CMO ang Filipino bilang asignatura o sabjek (mula sa takdang anim hanggang siyam na yunit) at bilang wikang gagamitin sa pagtuturo.  Tinanggal din ang mga sabjek na Panitikan/Literatura at Philippine Government and Constitution.

Noong Abril 15, pormal na kinuwestiyon ni ACT Teachers Rep. Antonio Tinio ang CMO No. 20 sa Korte Suprema dahil sa paglabag nito sa mga probisyon ng Konstitusyon na nangangalaga (1) sa Filipino bilang ating wikang pambansa, (2) sa karapatan ng mamamayan sa edukasyon, at (3) sa karapatan ng mamamayan sa paggawa o trabaho.  Kasama ni Rep. Tinio ang 85 pang petisyoner, kabilang si Bienvenido Lumbera (Pambansang Alagad ng Sining sa Panitikan), mga kapwa Kinatawan sa Kongreso na sina Rep. Terry Ridon (Kabataan Party-List) at Rep. Fernando Hicap (Anakpawis Party-List), mga propesor at opisyal ng di bababa sa 14 kolehiyo at unibersidad, ilang manunulat, manunula, at personalidad, at mga kasapi ng Tanggol Wika (Alyansa ng mga Tagapagtanggol ng Wika).

Hinain ang Petisyon bilang class action sa ngalan ng libu-libong guro, nagbabayad ng buwis, at mamamayang Filipino laban kay Pangulong Benigno S. Aquino III at Punong Komisyoner Patricia Licuanan ng Commission on Higher Education.  Ang ating Petisyon marahil ang kauna-unahang petisyong ihinain sa Korte Suprema na nasusulat sa wikang Filipino.

Mula sa ating Petisyon:

Papatayin ng Bagong General Education Curriculum (GEC) na nais ipatupad ng CHED sa pamamagitan ng CHED Memorandum Order No. 20, Series of 2013 ang wikang Filipino—ang wikang pambansa ng Pilipinas—at iba pang asignaturang mahalaga sa pagpapatibay ng pambansang identidad, kamalayang pangkultura at nasyonalismo gaya ng Panitikan/Literatura at Philippine Government and Constitution.

Magreresulta rin ang CMO No. 20 sa malawakang tanggalan sa trabaho ng humigit-kumulang 78,000 guro at manggagawa sa sektor ng edukasyon ayon mismo sa datos ng CHED.

“Ang isang kalatas pangregulasyon na kikitil sa ating sariling wika at mga asignaturang bahagi ng ating pambansang identidad at kamalayan at mahalaga para sa pambansang pagsulong at dudulo sa malawakang tanggalan ng mga maggagawa sa sektor edukasyon ay labag sa Konstitusyon at kung gayon ay dapat agarang ibasura.”

Noong Abril 15, naglabas ang Korte Suprema ng isang indefinite temporary restraining order upang pigilin ang implementasyon ng CMO No. 20, partikular ang pagtanggal nito sa kolehiyo ng Filipino at Panitikan.  Inutusan din ang mga Respondent na sagutin ang ating Petisyon sa loob ng sampung araw mula nila matanggap ang TRO.  Hanggang sa panahon ng posting na ito ay hindi pa natin natatanggap ang sagot ng CHED.

Hindi pa po tapos ang laban natin sa anti-Filipinong bagong kurikulum sa kolehiyo dahil (1) pansamantala lamang ang ating TRO at (2) hindi pa nagde-desisyon ang Korte Suprema kung itutuloy nito ang ligal na proseso hanggang desisyunan nila ang ating Petisyon (“without giving due course to the petition”).  Samakatuwid ay kailangan pa nating paigtingin ang kampanya para sa pagpapanatili sa kolehiyo ng Filipino, Panitikan/Literatura, at Philippine Government and Constitution.

Manila Bulletin: SC issues TRO on move to remove Filipino from college curriculum

Activities, Features, In The News, News »

[ 13 May 2015 | No Comment ]

 

 

DAPAT MANAGOT—Sa kabila nang pag-iwas ng bagong COMELEC Chairman Andres Bautista na pag-usapan ang mga pagkukulang ng dating pamunuan sa naganap na automated election noong 2010 at 2013, iginiit ni ACT Teachers Party-List Rep. Antonio Tinio sa Committee on Suffrage and Electoral Reforms at sa harap ng commissioners ng COMELEC na dapat may managot sa naganap na “midnight deals” sa pagitan ng dating pamunuan ng COMELEC at SMARTMATIC.

Binigyang daan din ni Rep. Tinio sa komite ang kahalagan ng pagpapasa ng House Bill 5412 (Election Service Reform Bill) na kanyang inihain sa Kongreso upang gawing non-mandatory ang pagseserbisyo ng mga pampublikong guro tuwing eleksyon (Pagdinig ng Commitee on Suffrage kahapon, Ika-12 ng Mayo).

imageimage_4

 

 

image_2